VOV4.Jarai - Mơguah lơ 16/11, Khua git gai pơ ala mơnuih ƀon sang dêh čar ơi Vương Đình Huệ nao Jơnum hrơi gum pơgôp djop djuai ania ƀơi să Trung Lương, Đinh Hóa, Thái Nguyên. Ơi Vương Đình Huệ pơpŭ kơ să Trung Lương hơmâo pel ĕp, ngă pơgiong 19/19 hơnong pơkă să plơi pla phrâo hăng glăi ngă hră pơ-ar rơkâo tŭ yap lĕ să dưi ngă tui hơnong pơkă plơi pla phrâo; tơring glông Định Hoá ăt glăk gir run hrưn đĭ, ba tơbiă hơnong pơkă jing tơring glông plơi pla phrâo amăng thun 2022. Tui hăng Khua git gai pơ ala mơnuih ƀon sang dêh čar ơi Vương Đình Huệ, thun 2021 lĕ thun hơmâo lu tơlơi yôm phăn amăng hrơi blan klin Covid-19 dŏ ngă tơnap tap samơ̆ dêh čar ta hơmâo pơphun truh kih hơdôm mông jơnum pơprong amăng lŏn ai anun lĕ: Jơnum Ping gah tal XIII, tal plĕ hră ruah  Khua pơ ala mơnuih ƀon sang dêh čar tal XV hăng Khul pơ ala mơnuih ƀon sang djop gưl rơwang thun 2021-2026, Khua pơ ala mơnuih ƀon sang dêh čar hơmâo ječ ameč pơtrun hơdôm akŏ bruă 5 thun kiăng kơ pok pơhai ngă tui tơlơi pơsit mơng Jơnum Ping gah tal XIII tơdơi kơ Jơnum lok bling a mơtăm. Ăt lu tơnap tap mơn, samơ̆ dêh čar ta hơmâo dưi ngă ha amăng plĕ amăng pơđĭ kyar bơwih ƀong huă rah, pơgang klin rah.

Siu Đoan: Pơblang