VOV4.Jarai - Nao čuă hăng brơi gơnam kơ ƀing kông ñơn, mơnuih mă bruă tơnap tap yua bơbeč mơng klin Covid-19, Khua git gai pơ ala mơnuih ƀon sang dêh čar ơi Vương Đình Huệ bơni biă tơlơi gir mơng khul mut phung djŏp gưl ƀơi Dăk Lăk, mah tơnap tap samơ̆ ăt pơphun lu bruă djru ba mơnuih tơnap tap, lăng ba mơnuih mă bruă ƀu kơnong amăng tơring čar đôč ôh mơ̆ ăt hơmâo gum pơgôp djru ba, juh alum mơnuih mă bruă ƀơi tơring čar Bắc Giang, Bắc Ninh...Anai lĕ bruă ngă yôm biă mă, bă blai tơlơi khăp ƀu-eng, pơdah tơlơi thâo pơmin dlăm hăng ngă bang hyu tơlơi klă hiam anai kiăng mơng alum, pơsur hlăk ai, mơnuih mă bruă, biă ñu lĕ ƀing tơnap tap dưi găn rơgao tơlơi tơnap, kơtưn kơ bruă.

Khua git gai pơ ala mơnuih ƀon sang dêh čar hơmâo brơi gơnam kơ kông ñơn, mơnuih mă bruă tơnap tap.

Ơi Vương Đình Huệ bơni kơ djŏp khul mut phung mơnuih mă bruă tơring čar Dăk Lăk hăng tơlơi gum djru mơng hơdôm anom bruă, anom bơwih ƀong. Ƀrô hrơi anai, Khua git gai pơ ala mơnuih ƀon sang dêh čar ơi Vương Đìng Huệ, Khua čih pioh hră pơ-ar yôm mơng Ƀirô pơ ala mơnuih ƀon sang dêh čar, Khua anom bruă pơ ala mơnuih ƀon sang ơi Bùi Văn Cường hăng ding kơna amăng grup hyu mă bruă hơmâo brơi 50 anung gơnam kơ kông ñơn, mơnuih mă bruă tơnap tap yua klin Covid-19 ngă.

Siu H’Mai: Pơblang