VOV4.Jarai - Tŭ ư hăng tơlơi jak iâu mơng Khua pơ ala mơnuih ƀon sang kual Mi kô̆ (EP) David Sassoli, Khua git gai pơ ala mơnuih ƀon sang dêh čar ta ơi Vương Đình Huệ hrŏm hăng Khua mua mơng dêh čar Việt Nam hơmâo por nao truh laih pơ tơdrŏn rơdêh por Melssbroek, Brussels, dêh čar Belgium nao čuă, mă bruă pơ Ƀirô Khua pơ ala mơnuih ƀon sang kual Mi kô̆ (EP), Khua pơlir hơbit kual Mi kô̆ (EU) dong mơng lơ 8-9/9. Amăng tal nao čuă sit nik anai pơ dêh čar Belgium, ơi Vương Đình Huệ hơmâo mông bưp hăng Khua khul kual Mi kô̆, Jơnum hăng Khua git gai pơ ala mơnuih ƀon sang kual Mi kô̆, Khua mua pơ ala brơi hơdôm Ƀirô khua pơ ala mơnuih ƀon sang amăng kual Mi kô̆ amăng hơdôm Jơnum min yôm phăn mơng Ƀirô khua pơ ala mơnuih ƀon sang kual Mi kô̆ anun lĕ, Jơnum min sĭ mơdrô jar kmar, anai lĕ Jơnum min akŏ phun, pơtrut bruă ngă tui tơlơi pơkôl mơng Khul khua mua pơ ala mơnuih ƀon sang ngă giang mah hăng kual ASEAN amăng anun hơmâo Việt Nam. Sit biă ñu, Ƀirô Khua pơ ala mơnuih ƀon sang dêh čar Việt Nam amra hrŏm hăng Jwonum min sĭ mơdrô jar kmar amăng Ƀirô khua pơ ala mơnuih ƀon sang kual Mi kô̆ pơčrông sai, pơjing hơdôm hơdră pơlir hơbit kiăng kơ pơtrut bruă ngă tui tơlơi pơkôl.

Hlâo anun, amăng tal nao Jơnum hăng Khua pơ ala mơnuih ƀon sang jar kmar ƀơi dêh čar Áo, Ơi Vương Đình Huệ hơmâo 3 wŏt đĭ pơhiăp amăng mông jơnum; laih dong bưp nao rai hăng 13 čô khua mua mơng Ƀirô Khua pơ ala mơnuih ƀon sang hơdôm dêh čar….Sit biă ñu lĕ tŭ mă mrô vaccine, gơnam măi mok gah ia jrao arăng djru pơgang klin Covid-19 mơng djop anom bơwih ƀong sĭ mơdrô, khul grup ƀơi dêh čar Áo.

Siu Đoan: Pơblang