VOV4.Jarai - Mơguah lơ 23/8, Jơnum khul pơlir Ƀirô Khua pơ ala mơnuih ƀon sang hơdôm dêh čar ASEAN tal 42 (AIPA-42) hăng anăn “Pơtrut tô nao rai kơplah wah ƀrô Khua pơ ala mơnuih ƀon sang dêh čar amăng bruă boh thâo phrâo djop mơta anăp nao kual ASEAN thun 2025” hơmâo pơphun sit nik tui tơlơi git gai mơng Khua AIPA, Khua Khul čih pơkra tơlơi phiăn Brunei Darussalam Pehin Dato Abdul Rahman Taib, jơnum lăng nao rai mơng ataih. grup khua mua mơng Ƀirô Khua pơ ala mơnuih ƀon sang dêh čar Việt Nam yua ơi Vương Đình Huệ ba jơlan hlâo nao jơnum AIPA-42 ƀơi anih lăng nao rai mơng Hà Nội, Việt Nam.

Tui hăng jơlan hơdră bruă mă, mơguah jơnbum abih bang pơphun hăng lu boh tơhnal yôm phăn. Yang hrơi tlam, KHua it gai pơ ala mơnuih ƀon sang dêh čar ta ơi Vương Đình Huệ hơmâo tơlơi pơhiăp yôm phăn, đing nao lăng  glăi bruă amăng jar kmar, amăng kual, mơng anun kiăng pơdah pran ngă hrŏm djop bơnah hăng gum pơgôp, tŭ ư hrŏm mơng kual ASEAN; tŭ yap hơdôm tơlơi gir run mơng kual ASEAN hăng hơdôm dêh čar ding kơna  amăng bruă pơgang klin Covid-19; pơsit tong tơlơi gir run mơng Việt Nam amăng pơgang klin Covid-19 hăng hơdôm tơlơi pơsit mơng Việt Nam kơ gum hrŏm kiăng hơmâo vaccine yua.

Siu Đoan: Pơblang