VOV4.Jarai-Tlam lơ 12/7, ƀơi sang bruă khua pơ ala mơnuih ƀôn sang dêh čar, ơi Vương Đình Huệ Khua git gai pơ ala mơnuih ƀôn sang dêh čar jơnum bơkơtuai lăng nao rai amăng tivi hăng khua git gai pơ ala mơnuih ƀôn sang dêh čar Hungary, ơi Laszlo Kover. Ơi Vương Đình Huệ lăng yôm anŏ pơđĭ kyar ngă giăng mah dua bơnah thun blan rơgao, lăi pơtong Việt Nam pơpŭ biă mă hăng čang rơmang ngă hrom lu mơta hăng dêh čar Hungarya, jing gŏp ngă hrom hlôm bom blung a mơ̆ng Việt Nam ƀơi kual Tong krah hăng ngŏ Mi kô̆.

Ơi Vương Đình Huệ lăi pơtong, Việt Nam amra ngă pô gong jơlan pơtruh nao rai hăng dêh čar Hungary pok tơlơi rô nao rai hăng hơdôm dêh čar amăng kual ASEAN laih anun kơđai glăi. Việt Nam čang rơmang dêh čar Hungarya ăt pơtrut kơtang hloh tơlơi ngă giăng mah mơ̆ng Việt Nam hăng hơdôm dêh čar amăng kual pơlir hơbit Mi kô̆.

Ƀơi mông bơkơtuai nao rai, dua čô khua lêng kơ lăi djru nao rai bơblih jơnum Jơnum min ngă hrom kơnuk kơna dua bơnah pơphun amăng blan 10 pơ anăp, boh nik ñu pơtrut bruă ngă hrom amăng tơlơi pơhing phrâo, sang dăng kông; djru kah pơpha nao rai tơlơi thâo thăi amăng bruă čih pơkra tơlơi phiăn dêh čar, krăo lăng bruă mă amăng kơnuk kơna….

Nay Jek: Pơblang