VOV4.Jarai - Tlam lơ 19/12/2021, ƀơi sang bruă Khua mir sir India, khua git gai pơ ala mơnuih ƀon sang dêh čar ta ơi Vương Đình Huệ bưp bơkơtuai hăng Khua mir sir India Ram Nath Kovind amăng tal nao čuă sit nik dêh čar India.

Khua git gai pơ ala mơnuih ƀon sang dêh čar ơi Vương Đình Huệ bưp Khua mir sir India Ram Nath Kovind.

Dua čô khua pơsit tơlơi rô nao rai dua bơnah jai hrơi pơđĭ kyar amăng lu bruă. Dua čô khua tŭ ư djă bong na nao bruă hyu čuă jơmư nao rai hăng bưp khua mua amăng Kơnuk kơna, Ƀirô khua pơ ala mơnuih ƀon sang hăng ƀơi mông jơnum Ping gah, tơrring čar, bưp nao rai ƀing khua, bơbưp mơnuih ƀon sang. laih dong, tŭ ư pơphun hơdôm bruă jơnum yôm, sit nik ngă lơphet 50 thun hrơi akŏ pơjing bruă pơtom hiăp amăng thun 2022. Dua bơnah lăi amra ngă hrŏm kơjăp hăng dong yua nao rai amăng djŏp mông jơnum jar kmar ƀudah amăng kial; Việt Nam hăng India amra djru nao rai pơsir djŏp bruă aka ƀu djơ̆ hrŏm tui jơlan pơtom hiăp rơngai, djơ̆ hăng Tơlơi phiăn Jar kmar.

Siu H’Mai: Pơblang