VOV4.Jarai - Khua git gai pơ ala mơnuih ƀon sang dêh čar ơi Vương Đình Huệ nao pơ dêh čar Bỉ hăng hơmâo mông jơnum bơkơtuai hăng Khua pơ ala mơnuih ƀon sang hơdôm dêh čar kual Mi kô̆ (EP) David Sassoli. Khua pơ ala mơnuih ƀon sang hơdôm dêh čar kual Mi kô̆ David Sassoli hok mơ-ak čơkă ơi Vương Đình Huệ hăng Khua mua mơng dêh čar Việt Nam hơmâo ruah Ƀirô khua pơ ala mơnuih ƀon sang kual Mi kô̆ lĕ anih nao čuă blung a mơng Khua git gai pơ ala mơnuih ƀon sang dêh čar Việt nam. Amăng mông jơnum bơkơtuai, dua bơnah  hơmâo pơčrông sai lu bruă kiăng kơtưn hăng ngă dơlăm tui tơlơi rô nao rai kơplah wah dua bơnah, pơgôp pơtrut tơlơi rô nao rai kơplah wah Việt Nam - EU kiăng pơđĭ kyar kơtang yua kơ tơlơi dưi hrŏm mơng dua bơnah. Kiăng pơtrut ngă hrŏm amăng bơwih ƀong huă, sĭ mơdrô, Ơi Vương Đình Huệ pơdah pran čang rơmang, EP lĕ anom bruă yôm phun kiăng pơsur hơdôm dêh čar aka ƀu tŭ ư hăng tơlơi pơkôl EVIPA kiăng tañ tŭ yap tơlơi pơkôl yôm phăn anai, mơng anun pơtruh tuh pơ alin, djơ̆ hăng tơlơi kiăng hăng tơlơi dưi mơng anom bơwih ƀong sĭ mơdrô laih dong tŏ tui ngă gêh gal kiăng ngă tui tơlơi pơkôl EVFTA brơi tŭ yua hloh.

Siu Đoan: Pơblang