VOV4.Jarai-Tŭ ư tơlơi jak iâu mơ̆ng Khua git gai pơ ala mơnuih ƀôn sang dêh čar Phần Lan ơi Anu Vehvilainen, Khua git gai pơ ala mơnuih ƀôn sang dêh čar ta ơi Vương Đình Huệ hrom grup khua mua pơ ala mơnuih ƀôn sang dêh čar ta nao čuă jơmư sit nik dêh čar Phần Lan amăng 2 hrơi mơ̆ng lơ 10-11/9. Tal nao čuă anai mơ̆ng ơi Vương Đình Huệ khua git gai pơ ala mơnuih ƀôn sang dêh čar ta tơdơi kơ 28 thun kiăng pơtrut bruă ngă giăng mah dơlăm hloh gru grua giăng mah dua bơnah  ngă hrom lu mơta hăng Phần Lan lăi hrom, khua mua pơ ala mơnuih ƀôn sang dêh čar Phần Lan hnun mơ̆n; pok brơi sa tơlơi čang rơmang phrâo kơ bruă ngă giăng mah jĕ giăm nao rai ăt kah hăng ngă hrom amăng bruă bơwih ƀong huă laih anun mut hrom jar kmar.

Tal nao čuă jơmư anai, Khua git gai pơ ala mơnuih ƀôn sang dêh čar ơi Vương Đình Huệ nao mă tơngan hăng Khua mir sir dêh čar Phần Lan; bưp khua dêh čar Phần Lan; jơnum bơkơtuai hăng khua git gai pơ ala mơnuih ƀôn sang dêh čar Phần Lan; lăng bruă kĭ pơkôl ngă hrom sĭ mơdrô mơ̆ng dua bơnah anom sĭ mơdrô mơ̆ng Việt Nam hăng Phần Lan; bưp khua anih jưh pơ ala hăng ƀing pơ ala mơnuih ƀôn sang Việt Nam dŏ ƀơi Phần Lan.

Nay Jek: Pơblang