VOV4.Jarai - Tlam lơ 6/9, Khua git gai pơ ala mơnuih ƀon sang dêh čar ơi Vương Đình Huệ bưp Khua khul pơlir Ƀirô Khua pơ ala mơnuih ƀon sang djop dêh čar (IPU) Duarta Pacheco. Khua git gai pơ ala mơnuih ƀon sang dêh čar ta lăi pơtong, bruă mut hrŏm mă bruă hăng IPU lĕ sa bruă yôm phun amăng pơtom hiăp hăng Ƀirô Khua pơ ala mơnuih ƀon sang djop dêh čar mơng Việt Nam kiăng kơ pơtrut hăng pơhlôm tơlơi dưi, pơdah tơlơi pơmĭn mơng dêh čar kơ tơlơi đing nao hrŏm amăng rŏng lŏn tơnah. Khua git gai pơ ala mơnuih ƀon sang dêh čar lăi pơthâo 3 tơlơi rơkâo đĭ kiăng IPU jing sa khul mă bruă tŭ yua ƀiă dong. Pơdah pran tŭ ư hăng hơdôm tơlơi rơkâo, Khua IPU Duarta Pacheco lăi pơtong, amra nao čuă Hà Nội kiăng kơ pơčrông sai ƀơi anăp, sit biă ñu kiăng pok pơhai hơdôm hơdră bruă mơng Việt Nam, amăng anun hơmâo bruă pơphun jơnum bruă mă, jơnum amăng kual kiăng hơkrŭ glăi bơwih ƀong huă, jơnum jar kmar kơ ƀing Khua pơ ala mơnuih ƀon sang dêh čar hlăk ai…pơphun pơplah hơdôm mông jơnum khua mua IPU.

Siu Đoan: pơblang