VOV4.Jarai - Mơmot lơ 5/12, Anom pơtô bruă Ping gah pơphun Jơnum bơbưp abih bang mơnuih rơgơi mơbruă amăng bruă hrăm hăng ngă tui tơlơi pơmin, pran jua, kơnuih Hồ Chí Minh hăng anăn “Hồ Chí Minh - Thun blan hrưn đĭ ngă tơlơi kiăng thun 2021”. Amăng mông pơphun jơnum lĕ tơlơi ră ruai ngă glưh pran jua, rơngô̆t biă mă kơ tơlơi hơdip hiam mơng Wa, gru kơnuih mơnuih klă amăng tơlơi hơdip ƀing ta hơmâo mơng tơlơi pơmin, pran jua hơdip hiam mơng Hồ Chí Minh.

Pơ ala kơ Ping gah, Kơnuk kơna, Khua git gai pơ ala mơnuih ƀon sang ơi Vương Đình Huệ hơ-ơč hmưi hăng bơni kơ khul grup, mơnuih rơgơi mơbruă amăng dêh čar hăng neh met wa dŏ pơ čar rơngiao. Amăng hrơi blan ngă tui tơlơi Pơčrâo trun mrô 05 kơ “Pơtrut đĭ hrăm hăng hla tui tơlơi pơmin, pran jua, kơnuih Hồ Chí Minh”, hơmâo laih lu mơnuih ba gru hmư̆ hing, pơtrut pran jua ƀing khua ping gah, mơnuih ƀon sang hrăm tui, ngă tui tơlơi pơmin, pran jua mơng Hồ Chí Minh. Khua git gai pơ ala mơnuih ƀon sang dêh čar Vuơng Đình Huệ čang rơmang Anom pơtô bruă Ping gah hăng djŏp anom bruă čar djă bong hăng pơtrut tui hloh hơdôm bruă ngă yôm tui anai.

Siu H’Mai: Pơblang