VOV4.Jarai - Mơguah lơ 17/8, ƀơi Sang bruă Khua pơ ala mơnuih ƀon sang dêh čar, ơi Vương Đình Huệ, Khua git gai pơ ala mơnuih ƀon sang dêh čar git gai hăng pơhiăp pơphun mông jơnum lok 2 mơng Jơnum min git gai pơ ala mơnuih ƀon sang dêh čar. Pơhiăp ƀơi mông jơnum, ơi Vương Đình Huệ kiăng pơsir bruă apah bơni kiăng kơ ƀă, kiăng hơmâo drưh đôč đač. Jơnum min git gai pơ ala mơnuih ƀon sang dêh čar kiăng Kơnuk kơna lăng glăi abih bruă pơhrua tơlơi pơkôl apah bơni “Miđai Hlăk ai kơsung nao hlâo ngă bruă” amăng Tơlơi phiăn bơkơtưn, apah bơni (pơplih pơkra phrâo). Pơgôp hiăp kơ tơlơi lăi pơthâo glăi mơng kơnuk kơna kơ tơlơi phiăn, hơdră djru prăk pơhlôm nua mơnuih mơnam, wai lăng hăng mă yua keh prăk pơhlôm nua mơnuih mơnam thun 2020, Jơnum min git gai pơ ala mơnuih ƀon sang dêh čar rơkâo kơ Khua mua git gai pơ ala mơnuih ƀon sang krăp lăng klă hloh bruă ngă tui tơlơi djru, tơlơi phiăn kơ Hră pơhlôm nua mơnuih mơnam, pơhlôm nua rơngiă bruă mă. Či tlam, Jơnum min git gai pơ ala mơnuih ƀon sang dêh čar sem lăng, pơsit brơi tơlơi pơkôl pơkă hăng mrô kah pơpha prăk kăk amăng thun 2022 hăng sem lăng tơlơi rơkâo wai lăng mơng Khul khua wai lăng djuai ania kơ bruă kah kual čư̆ siăng, kual kơdư.

Siu H’Mai: Pơblang