VOV4.Jarai - Tŭ ư hăng tơlơi jak iâu mơng Khua git gai AIPA Pehin Dato Abdul Rahman Taib, Khua Khul čih pơkra tơlơi phiăn dêh čar Brunei Darussalam, grup khua mua mơng dêh čar Việt Nam yua Khua git gai pơ ala mơnuih ƀon sang ơi Vương Đình Huệ ba jơlan hlâo nao Jơnum khua mua AIPA tal 42 (AIPA 42) pơphun lăng nao ra mơng ataih, hơmâo pơphun mơng lơi 23 truh lơ 25/8 hăng anăn “Pơtrut rô nao rao giang mah Khua pơ ala mơnuih ƀon sang dêh čar amăng bruă boh thâo phrâo djop mơta anăp nao kual ASEAN thun 2025”. Anai lĕ bruă pơtom hiăp djop bơnah sit nik pơphun blung a mơng khua git gai pơ ala mơnuih ƀon sang dêh čar ta hăng grup khua mua pơ ala mơnuih ƀon sang mơng Việt Nam rơwang tal XV. Him lăng, ơi Vương Đình Huệ amra hơmâo mông pơhiăp yôm phăn amăng mông jơnum abih bang Khua mua AIPA 42, kiăng kơ lăi pơthâo tơlơi pơmĭn mơng Việt Nam lĕ Khua pơ ala mơnuih ƀon sang dêh čar Việt Nam ƀu pơdơi pơplih phrâo, Khua pơ ala mơnuih ƀon sang dêh čar Việt Nam gơgrong, gir run abih pran jua amăng ngă hrŏm hăng djop bơnah.

Siu Đoan: Pơblang