VOV4.Jarai - Ƀơi plơi prong jưh jom NewDehli, Khua git gai pơ ala mơnuih ƀon sang dêh čar ơi Vương Đình Huệ tŭ jum Khua ding jum pơtom hiăp dêh čar India Jaishankar. Ƀơi mông bưp, Khua git gai pơ ala mơnuih ƀon sang dêh čar ơi Vương Đình Huệ pơsit, Việt Nam lăng yôm biă tơlơi ngă hrŏm hăng India, hok mơ-ak yua India lăng Việt Nam lĕ dêh čar gơñu djru hlâo amăng jơlan ngă bruă anăp nao kual Ngŏ mơng gơñu. Dua bơnah tŭ ư hrŏm pơsit tơlơi rô nao rai ngă gŏp prong kơplah wah Việt Nam hăng India glăk đĭ kyar hiam, ƀơi anih bang 5 gong tơmeh phun anun lĕ kơđi čar - pơtom hiăp, rơnuk rơnua - pơgang lŏn ia, bơwih ƀong huă - sĭ mơdrô - tuh pơplai, boh thâo ia rơgơi, măi mok, boh thâo gru grua bơkơjăp drơi jăn hăng tuai čuă ngui, bơbưp nao rai mơnuih ƀon sang. Dua čô khua hơmâo lăi nao hơdôm tơlơi amăng kual hăng jar kmar mơ̆ dua bơnah đing nao, amăng anun hơmâo tơlơi rô nao rai ASEAN - India hăng tơlơi hơmâo giăm anai ƀơi ia rơsĭ Ngŏ, pơsit Việt Nam - India amra dong yua bruă pơsir djŏp tơlơi rung răng kiăo tui tơlơi pơsir bơkơtuai mơ-ak, lăp djơ̆ hăng Tơlơi phiăn Jar kmar, yua tơlơi rơngai, ngă hrŏm, hơđong kơjăp hăng pơđĭ kyar amăng kual hăng ƀơi rŏng lŏn tơnah.

Siu H’Mai: Pơblang