VOV4.Jarai - Čơtlăm tom brơi (10/6), Khua git gai wai lăng pơ ala mơnuih ƀôn sang dêh čar ta ơi Vương Đình Huệ nao čuă hăng mă bruă ƀơi Anom kơsem min bruă ia jrao Ling tơhan. Pơhiăp amăng mông mă bruă, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit yôm tơlơi gir run hăng bôh than dưi ngă mơ̆ Anom dưi ngă amăng 72 thun pơdŏng hăng pơjing.

Khua git gai wai lăng pơ ala mơnuih ƀôn sang dêh čar ta nao čuă hăng mă bruă ƀơi Anom kơsem min bruă ia jrao Ling tơhan

Biă ñu, amăng bruă pơgang, pơgăn klin Covid-19, Anom gum hrom gơgrong hlâo, ngă klă, ba glăi bôh tơhnal amăng hơdôm hrơi rơgao. Khua git gai wai lăng pơ ala mơnuih ƀôn sang dêh čar ta ơi Vương Đình Huệ rơkâo Anom đing nao ngă klă sa dua bôh yôm phun kah hăng: đing nao pơtô pơhrăm mơnuih mă bruă kơjăp tui jơlan gah ngă juăt, mut hrom hăng bôh thâo kơsem min hơdră phrâo hăng bruă pơtô pơhrăm pơplih phrâo ƀơi rŏng lŏn tơnah; kơtưn dong bruă wai lăng hăng pơđĭ tui anô̆ kơjăp bruă pơjrao, pơplih phrâo lu mơta hơdră pel ĕp, pơjrao tơlơi ruă, lăng pô ruă phun; pơkĕ hrom kơjăp kơplah wah pơjrao hăng kơsem min bôh thâo  phrâo hăng pơtô pơhrăm./.

Siu H’ Prăk: Pô pơblang