VOV4.Jarai - Čơtlăm lơ 14/12, amăng rơwang nao čuă dêh čar Hàn Quốc, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo bơkơtuai laih hăng Khua dêh čar Hàn Quốc ơi Kim Boo Kyum. Amăng mông tŭ jum, Khua dêh čar Kim Boo Kyum pơsit yôm tal nao čuă mơng Khua git gai wai lăng pơ ala mơnuih ƀôn sang dêh čar ta ơi Vương Đình Huệ, djru pơphun pok pơhai hơdôm bruă mă hơdor glăi 30 thun pơdŏng bruă pơtom hiăp Việt Nam hăng Hàn Quốc thun 2022; lăi lĕ tơlơi rô nao rai kơjăp kơplah wah dua Khua pơ ala mơnuih ƀôn sang pơdah tơlơi tâ̆o klă, čang rơmang mơng mơnuih ƀôn sang dua bôh dêh čar. Amăng mông bưp, dua bơnah tŭ ư gum hrom pok pơhai sa dua bôh yôm djru đĭ tui bruă gum hrom kơplah wah dua bôh dêh čar anăp anai, kơtưn pok prong gum hrom amăng wai lăng rơnuk rơnua, pơgang lŏn ia, gum hrom pok pơhai hơdôm bruă mă hơdor glăi 30 thun hrơi pơdŏng bruă pơtom hiăp./.

Siu H’ Prăk: Pơblang