VOV4.Jarai - Tơdơi kơ ngă tui tơlơi dưi pô hăng bruă mă mơng pô, mơng kual plĕ hră mrô 1, anom ruah khua mrô 3 ƀôn prong Hải Phòng, Khua git gai wai lăng pơ ala mơnuih ƀôn sang dêh čar ta ơi Vương Đình Huệ, Khua Khul ruah khua lŏn ia ta, hmâo mơ-ĭt laih pran jua klă hiam hloh truh neh wa, ling tơhan, mơnuih ruah khua amăng đơ đam lŏn ia ta amăng hrơi yôm phăn mơng lŏn ia.

Khua git gai wai lăng pơ ala mơnuih ƀôn sang dêh čar ta lăi rơđah: “Amăng tơlơi klin Covid-19 pơphun ngă kơtang hloh, huĭ rơhyư̆t hloh, lar hyu lu tơring čar, ƀôn prong, ƀing gơmơi ƀuh hyơ hyor pran jua rim hrơi, rim mông lom prăp lui kơ hrơi ruah khua anai. Lơ 22/5, ƀing ta mơ-ak lom đơ đam lŏn ia hmâo 16 bôh tơring čar hăng 500.000 čô mơnuih nao ruah khua plĕ hră tañ hăng 99,96% mrô mơnuih ruah khua nao ruah khua, amăng anun hmâo 14/16 bôh tơring čar hmâo mrô abih bang mơnuih ruah khua nao ruah. Rơgao kơ bruă ruah khua anai, ƀing ta jai ƀuh pran kơtang mơng mơnuih ƀôn sang, gah yŭ tơlơi git gai mơng Ping gah hăng tơlơi pơmin mơng Wa Hồ krên dên, amra ngă brơi lŏn ia ta nao truh lu tơlơi truh kih, ba glăi lu truh kih hloh dong./.

Siu H’ Prăk: Pô pơblang