VOV4.Jarai - Ƀơi plơi Bôh thâo – Tuai čuă ngui djop djuai ania Việt Nam pơphun ngă Lơphet pok phun rơwang hrơi tơjuh “Gum hrom hơbit djuai ania – Gru grua bôh thâo Việt Nam” thun 2021. Khua git gai wai lăng pơ ala mơnuih ƀôn sang dêh čar ta ơi Vương Đình Huệ nao pơhmư̆ mông pok phun. Pơhiăp amăng mông ngă lơphet, Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit, ngă tui tơlơi Wa Hồ “Gum hrom hơbit, gum hrom hơbit, gum hrom hơbit prong”.

Truh kih, truh kih, truh kih prong”, gum hrom hơbit abih bang djuai ania jing jơlan nao mơng Ping gah ta, jing tơlơi kiăng hrăm prong mơng hơkrŭ Việt Nam djru pơjing pran kơtang, pơtrut yôm phăn kơ bruă pơplih phrâo abih bang ba glăi hơdôm bôh than prong prin, hmâo bôh tŭ yua gru grua mơng lon ia ta. Khua git gai wai lăng pơ ala mơnuih ƀôn sang dêh čar ta ơi Vương Đình Huệ čang rơmang Jơnum min djop djuai ania mơnuih mơnam dêh čar Việt Nam ngă tui hloh dong bruă lăng tui, lăi glăi mơnuih mơnam, gum hrom klă pơdŏng Ping gah, pơdŏng gong gai; ngă klă dong bruă git gai anăn păn, gum hrom kơplah wah hơdôm khul grŭp ding kơna, tum jơngum đut hlah bôh thâo, pran jua mơng ƀing kơsem min bôh thâo, ƀing juăt bruă hmâo lu tơlơi găn rơgao, hmư̆ tơlơi gum pơhiăp mơng djop mơnuih kơ hơdră pơtrun, jơlan gah mơng Ping gah, hơdră bruă, tơlơi phiăn mơng Kơnuk kơna./.

Siu H’ Prăk: Pô pơblang