VOV4.Jarai - Ƀrô djơ̆ tal ơi Hosoda Hiroyuki dưi ruah ngă Khua git gai wai lăng pơ ala mơnuih ƀôn sang gơnong yŭ dêh čar Japan, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo mơ-ĭt hră hơ-ư̆č hmưi. Amăng hră Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo pơdah pran jua mơ-ak lăng ƀuh, hăng tơlơi gir run hrom mơng dua bơnah, tơlơi rô nao rai “Gum hrom bruă dơlăm prong yua tơlơi rơnuk rơna hăng pơdrong asah ƀơi kual ASIA” kơplah wah Việt Nam hăng Japan jai hrơi jai pơđĭ kyar kơtang hăng sit nik amăng djop bruă; hrom hăng anun đăo gơnang, ơi Hosoda Hiroyuki amra ngă giong prong bruă mă prong prin mơng pô, djru ngă brơi Japan pơđĭ  kyar pơdrong asah. Khua git gai wai lăng pơ ala mơnuih ƀôn sang dêh čar čang rơmang tañ dưi bưp Khua git gai wai lăng pơ ala mơnuih ƀôn sang gơnong yŭ dêh čar Japan kiăng bơkơtuai jơlan gah gum hrom kơplah wah dua bôh dêh hăng kơplah wah Khua git gai wai lăng pơ ala mơnuih ƀôn sang dêh čar Việt Nam hăng Khua git gai wai lăng pơ ala mơnuih ƀôn sang gơnong yŭ dêh čar Japan amăng hơdôm hrơi pơ̆ anăp./.

Siu H’ Prăk: Pô pơblang