VOV4.Jarai -  Ƀrô djơ̆ tal hơdor glăi 100 thun Hrơi tơkeng ơi Lê Quang Đạo, ding kơna Khua git gai Ping gah hơđăp dêh čar ta, Khua git gai wai lăng pơ ala mơnuih ƀôn sang, Kơ-iăng Khua Khul apăn bruă Kơnuk kơna, Khua Jơnum min djop djuai ania mơnuih mơnam dêh čar Việt Nam, čơtlăm lơ 31/10, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hmâo nao pơhmư̆ tuĭ ñang, pŭ bơnga ƀơi Kual hơdor glăi kơ ơi Lê Quang Đạo ƀơi plơi prong Từ Sơn, tơring čar Bắc Ninh.

Ƀơi anăp bơngat jua rơgom ơi Lê Quang Đạo, Khua git gai wai lăng pơ ala mơnuih ƀôn sang dêh čar ta ơi Vương Đình Huệ hăng ƀing khua mua git gai Ping gah, Kơnuk kơna, Khua pơ ala mơnuih ƀôn sang ƀuăn amra ngă tui phiăn juăt, gum hrom hơbit, hơkrŭ pơsir tơlơi tơnap, thâo tơhnal gal, ngă tui tơlơi gal, bơkơtưn klă ngă tui truh kih hơdôm tơhnal bruă ba tơbiă, bruă jao mơ̆ Jơnum prong Ping gah đơ đam dêh čar tal 13, Jơnum Ping gah hơdôm gưl ba tơbiă, pơdŏng lŏn ia jai hrơi pơdrong asah, klă hiam, thâo rơgơi./.

Siu H’ Prăk: Pô pơblang