VOV4.Jarai - Ƀrô tal hơdor glăi 40 thun Hrơi akŏ pơjing Khul đăo phơ̆t Việt Nam (7/11), mơguah lơ 5/11, ƀơi Hà Nội, pơ ala brơi khua mua Ping gah, Kơnuk kơna, Jơnum min djop djuai ania mơnuih mơnam Việt Nam, ơi Đỗ Văn Chiến, Khua apăn bruă Ping gah, khua Jơnum min djop djuai ania mơnuih mơnam Việt Nam hrŏm hăng khua mua nao čuă hăng pơpŭ kơ Khul đăo phơ̆t Việt Nam. Ơi Đỗ Văn Chiến pơsit tong, rơbêh 40 thun laih rơgao Khul đăo phơ̆t Việt Nam hơmâo pơtrut pơsur ơi yơng yă phơ̆t, ƀing mơnuih tui đăo phơ̆t tui đăo phơ̆t amăng đơ đam dêh čar đing nao pơđĭ kyar bơwih ƀong huă-mơnuih mơnam, djru brơi ƀing mơnuih tơnap tap, rin rơpa, drơi jăn ƀu klă ƀu hiam, ƀing bưp tơlơi truh sat mơng hơjan kơthel, klin kheng amăng đơ đam dêh čar.

Pơpŭ bơni pran jua khăp pap, đing nao mơng khua mua Ping gah, Kơnuk kơna, Jơnum min djop djuai ania mơnuih mơnam Việt Nam hăng hơdôm bruă mă mơng Khul đăo phơ̆t Việt Nam amăng hrơi blan laih rơgao, ơi phơ̆t Thích Thanh Nhiễu - Kơ-iăng Khua khul đăo phơ̆t Việt Nam pơsit pơ anăp anai, Khul đăo phơ̆t Việt Nam amra pơtô pơblang, pơtrut pơsur ƀing ơi phơ̆t yă yơng ngă tui tơlơi phơ̆t pơtô “Hơdip hiam tui tơlơi đăo”, ngă tui hơdră bruă, tơlơi črâo trun mơng Ping gah, tơlơi phiăn mơng Kơnuk kơna, mut hrŏm gum djru ƀing mơnuih rin rơpa, ƀing glăk bơbeč nao yua klin Covid-19 ngă.

Siu Đoan: Pơblang