VOV4.Jarai - Amăng hrơi jơnum prong Phật đản thun 2021, Phật lịch 2565, tom brơi lơ 17/5, pơ ala kơ Jơnum min djŏp djuai ania mơnuih mơnam Việt Nam, ơi Đỗ Văn Chiến, Khua apăn bruă Ping gah, Khua Jơnum min djŏp djuai ania mơnuih mơnam Việt Nam hơmâo hơ-ơč hmưi kơ ƀing tui đăo phơ̆t amăng dêh čar. Amăng hră mơ-it, Đỗ Văn Chiến hơ-ơč hmưi tơlơi klă hiam kơ ƀing khua đăo, hrŏm hăng ơi phơ̆t, yă yơng, mơnuih ƀon sang amăng Khul đăo phơ̆t Việt Nam. Hơ-ơč kơ abih bang mơnuih tui đăo phơ̆t amăng dêh čar hăng pơ tač rơngiao čơkă bơyan ngui ngor Phật đản yâo mơ-ak, gum pơgôp, hơdip rơnôm abih bang djuai ania. Amăng hrơi mông hok mơ-ak čơkă hrơi đản sinh tal 2645 mơng Ơi Phơ̆t, čơkă Hrơi abih bang mơnuih ƀon sang nao plĕ hră ruah khua pơ ala mơnuih ƀon sang dêh čar hăng khua pơ ala mơnuih ƀon sang djŏp gưl, ơi Đỗ Văn Chiến đăo gơnang, Khul đăo phơ̆t Việt Nam amra pơtrut tui gru grua hiam, boh thâo yôm, tơlơi hơdip klă, hăng tơlơi hơmâo mơng đăo phơ̆t kiăng hrŏm hăng mơnuih ƀon sang dưi găn rơgao tơlơi truh klin kheng Covid-19 tal anai.

Siu H’Mai: Pơblang