VOV4.Jarai - Ơi Đỗ Văn Chiến, Khua apăn bruă Ping gah, Khua Jơnum min djop djuai ania mơnuih mơnam Việt Nam phrâo pơhiăp telephôn hăng ơi Uông Dương, Ding kơna Ding jum kơđi čar, Khua anom bruă kơđi čar pơlir hơbit đơ đam dêh čar Khač. Lăng yôm pran khăp, tơlơi gum djru mơng dêh čar Khač amăng hrơi blan laih rơgao, Khua Jơnum min djop djuai ania mơnuih mơnam Việt Nam Đỗ Văn Chiến brơi thâo, hăng pran gir run hrŏm mơng dua bơnah, tơlơi rô nao rai kơplah wah Việt Nam hăng Khač tŏ tui hiam klă tui, čang rơmang amra pơtrut ngă hrŏm kơplah Jơnum min djop djuai ania mơnuih mơnam Việt Nam hăng Anom bruă kơđi čar pơlir hơbit đơ đam dêh čar Khač. Gah  ƀing gơñu ơi Uông Dương ăt lăi nao tơlơi tơnap tap mơng dêh čar Việt Nam lơ̆m glăi dong ƀơi anăp kơ tal hơđuh glăi klin Covid-19 hăng pơsit tong, dêh čar Khač amra djru hrŏm hăng hơdôm tơlơi găn rơgao amăng pơgang klin hăng djru brơi Việt Nam blơi vaccine pơgang klin Covid-19 tơdah dưi.

Siu Đoan: Pơblang