VOV4.Jarai-Mơguah lơ 22/11, ƀơi Hà Nội, Khua mir sir ơi Nguyễn Xuân Phúc nao čuă hăng mă bruă hrom Anom bruă Nhiệt đới Việt-Nga. Pơhiăp đĭ ƀơi mông jơnum, mă bruă, Khua mir sir ơi Nguyễn Xuân Phúc lăng yôm, tơlơi ngă hrom hlom bom kơplah wah Việt Nam hăng dêh čar Nga ƀu pơdơi ôh đĭ kyar hăng kjăp tui, hơmâo sa yak phrâo, mut tơma dơlăm hloh, boh nik ñu bruă ngă hrom bơwih ƀong huă, sĭ mơdrô, pơgang lŏn ia, tơlơi rơnuk rơnua, kơsem min boh thâo ia rơgơi hăng pơčeh phrâo tơlơi pơhing.

Lăi pơthâo hơdôm tơlơi kiăng yôm biă mă kơtưn nao truh thun 2030 dêh čar ta jing lŏn ia pơđĭ kyar măi mok, phrâo hloh, Khua mir sir pơtrun hiăp kơ anom bruă anai khom hơmâo bruă mă, djru hrom amăng bruă kơsem min, gir run kiăng akŏ pơdong jing anih anom kơsem min ia rơgơi-tơlơi thâo lăp đăo kơnang, hơdôm bruă mă djơ̆ tơhnal pơkă mơ̆ng boh thâo ia rơgơi rŏng lŏn tơnah laih anun pok pơhai hơdră pơčeh phrâo ia rơgơi phun kơ kơnuk kơna hăng Ding jum ling tơhan, hnun kah jing anih đăo kơnang kjăp amăng bruă ngă giăng mah gơyut gơyâo Việt Nam hăng Nga.

Nay Jek: Pơblang