VOV4.Jarai - Tlam lơ 18/10, ƀơi Hà Nội, Khua mir sir ơi Nguyễn Xuân Phúc, Khua khul tơhan pơgang lŏn  rơnuk rơnua, nao pơhmư̆ mông ngă lơphet bơni kơ hơdôm khul grup, mơnuih mơnm ngă bruă rơgơi gum djă bong rơnuk rơnua mơng Sang gum hơbit djŏp dêh čar. Mơng blan 6 thun 2014 truh ră anai, Việt Nam hơmâo laih 246 wơ̆t čô khua, mơnuih mă bruă mơng Khul ling tơhan Việt Nam nao djru bruă wai lăng tơlơi rơngai Sang gum hơbit djŏp dêh čar ƀơi hơdôm Grup djru bruă Dơnung Sudan, Cộng hoà Trung Phi, hăng Sang gum hơbit djŏp dêh čar (New York, Mi). Amăng anun, hơmâo 3 boh sang ia jrao tơhan pơdong jăng jai hơmâo Sang gum hơbit djŏp dêh čar bơni biă mă kơ tơlơi rơgơi, ƀing ơi ia jrao Việt Nam, pioh glăi tơlơi lăp hơdor prong hăng ƀing ruă, yua mă bruă klă. Pơ ala kơ khua mua Ping gah, Kơnuk kơna, Khua mir sir ơi Nguyễn Xuân Phúc bơni, lăng yôm kơ hơdôm tơlơi hơmâo ngă mơng tơhan wai lăng tơlơi rơngai, rơnuk rơnua ƀơi Sang gum hơbit djŏp dêh čar, rơkâo Ding jum ling tơhan hrŏm hăng hơdôm Ding jum, anom bruă ngă tui klă kơcăo bruă abih bang kơ bruă Việt Nam gum djă bong tơlơi rơngai rơnuk rơnua Sang gum hơbit djŏp dêh čar hơmâo Ding jum kơđi čar pơsit.

Siu H’Mai: Pơblang