VOV4.Jarai-Tlam lơ 15/7, ƀơi Anom bruă khua mir sir, Khua mir sir ơi Nguyễn Xuân Phúc hơmâo mông bưp Khua khul mơnuih dêh čar Hàn Quốc ƀơi Việt Nam hăng khua mua hơdôm group sĭ mơdrô pơprong mơ̆ng Hàn Quốc.

Ƀơi mông bưp, pơ ala kơ khua mua ping gah, kơnuk kơna ơi Nguyễn Xuân Phúc Khua mir sir bơni lu anom bruă sĭ mơdrô mơ̆ng Hàn Quốc ƀơi Việt Nam huăi lui kơ klin Covid 19 ƀă hyu kơtang amăng anih mă bruă, sang măi, pơkra ming hăng sĭ mơdrô; ăt pơgang hơđong bruă mă huăi tơ̆i dơnuai.

Boh nik ñu, hơdôm anom bruă sĭ mơdrô Hàn Quốc hur har biă mă djru hơdôm klăk dolar kơ bruă pơhlôm, pơgang klin Covid 19 laih anun djru keh prăk blơi vaccine pơgang Covid 19 ƀơi Việt Nam.

 Khua mir sir ơi Nguyễn Xuân Phúc lăi pơtong, Việt Nam ƀuăn amra ngă gêh gal sĭ mơdrô mơ̆ng djop sang sĭ mơdrô dêh čar Hàn Quốc ngă pô, amăng anun ƀing tuh pơ alin sĭ mơdrô mơ̆ng Hàn Quốc gir run hrưn đĭ pơkra ming sĭ mơdrô ba hyu pơ lu dêh čar amăng kual ASIA hăng rŏng lŏn tơnah.

Nay Jek: Pơblang