VOV4.Jarai-Amăng tal nao čuă jơmư sit nik dêh čar Nga, Khua mir sir ơi Nguyễn Xuân Phúc hơmâo bưp Khua khul pơ ala mơnuih ƀôn sang dêh čar Nga, Valentina Matvienko.

Khua mir sir bưp Khua khul pơ ala mơnuih ƀôn sang dêh čar Nga

Ƀơi mông bưp, ơi Nguyễn Xuân Phúc hăng Khua khul pơ ala mơnuih ƀôn sang dêh čar Nga Valentina Matvienko lăng yôm bruă ngă giăng mah Việt Nam-Nga ăt pơđĭ kyar klă hiam thun blan rơgao, hơmâo tom amăng bruă kơđi čar, bơwih ƀong huă, sĭ mơdrô hăng tuh pơ alin, pơgang lŏn ia hăng rơnuk rơnua, apui lơtrik hăng ia jâo, pơtô hrăm hăng boh thâo ia rơgơi…; pơdah pran jua hok mơak ƀuh boh tơhnal ngă hrom dua bơnah dêh čar tŭ yua amăng bruă pơhlôm pơgang klin Covid 19.

Amăng anun, tơlơi jĕ giăm rô nao rai dua bơnah anom bruă khua mua pơ ala mơnuih ƀôn sang dêh čar yơh pô gơgrong yôm. Khua mir sir ơi Nguyễn Xuân Phúc ăt hok mơak tơlơi hơdai gum hrom kjăp tong ten kơplah wah anom bruă khua pơ ala mơnuih ƀôn sang Việt Nam hăng Nga ƀơi mông jơnum jar kmar hăng amăng kual.

Nay Jek: Pơblang