VOV4.Jarai - Khua mir sir dêh čar ta ơi Nguyễn Xuân Phúc bơkơtuai hăng Khua git gai wai lăng pơ ala mơnuih ƀôn sang hăng Khua dêh čar kơ hơdră bruă pơđĭ kyar hơdră phrâo măi mok yôm, amăng anun hmâo apui yua hơdjă, pil hăng tŭ ư hrom ba tơbiă Khua pơ ala mơnuih ƀôn sang tal anai sa dua hơdră bruă kiăng djru kơ hơdră phrâo măi mok yôm. Anai lĕ tơlơi pơhing Khua mir sir dêh čar ta ba tơbiă amăng čơtlăm lơ 12/12 ƀơi mông ngă Lơphet pơphun pơdŏng Sang măi pơkra Pil ô tô VinES ƀơi kual bơwih ƀong amăng kual bơwih ƀong Vũng Áng (tơring čar Hà Tĩnh). Pơhiăp amăng mông ngă lơphet, Khua mir sir dêh čar ta ơi Nguyễn Xuân Phúc lăi lĕ, tơlơi truh kih mơng Vingroup amăng bruă pơplih ƀơ ƀrư̆ grŭp măi mok, hơdră phrâo amra ƀu kơnong kơ pơjing tơlơi mơ-ak kơ hơdôm grŭp bơwih ƀong pơkon mơng Việt Nam ôh mơ̆, ñu dô̆ jing bruă mă yôm phăn amăng pơjing sa kual “Make-in-Vietnam” kơ bruă pơkra pơjing, pơkra glăi, hăng mă yua glăi pil apui pơkra glăi. Khua mir sir dêh čar ta ơi Nguyễn Xuân Phúc lăi rơđah, tơlơi lông pơđĭ kyar hăng Việt Nam ră anai khom ba tơbiă ană mơnuih, bôh thâo hăng kơsem min – hơdră phrâo mă yua măi mok amăng anih phun hơdră pơđĭ kyar kơjăp sui thun. Anai jing jơlan phun pioh dêh čar ta pơtlaih mơng prăk pơhrui glăi găp ƀrô, dưi hmâo pơđĭ kyar bơwih ƀong truh tơhnal pơdrong asah mơng lŏn ia, djuai ania./.

Siu H’ Prăk: Pơblang