VOV4.Jarai -  Ƀrô djơ̆ tal hơdor glăi 60 thun Hrơi pok Jơlan Hồ Chí Minh hăng dlông ia rơsĭ  (23/10/1961-23/10/2021), čơtlăm 19/10, ƀơi Anom mă bruă Khua mir sir, Khua mir sir dêh čar ta, ơi Nguyễn Xuân Phúc bưp ƀô̆ mơta grŭp khua pơ ala ling tơhan hơđăp Jơlan Hồ Chí Minh ƀơi dlông ia rơsĭ hăng khua pơ ala ƀing apăn bruă tơhan, ling tơhan ia rơsĭ hmâo bôh than, pran jua tuh rơyuh prong, mơbruă. Pơhiăp amăng mông bưp, Khua mir sir dêh čar pơsit, bruă pok jơlan Hồ Chí Minh hăng dlông ia rơsĭ pơdah tơhnal lăng bruă mă, pơčeh phrâo, djơ̆ sit, thâo rơgơi mơng Ping gah hăng Wa Hồ kiăng khăp. Hăng ƀing ling tơhan hơđăp jơlan Hồ Chí Minh ƀơi dlông ia rơsĭ, Khua mir sir dêh čar ta, ơi Nguyễn Xuân Phúc čang rơmang rim ling tơhan hơđăp ngă tui dong gru grua hur har, ư-ang mơng Grŭp ƀat tô “ƀu hmâo mrô” kiăng jing hơdôm gru ba jơlan hlâo kơ pran sông kơtang hơkrŭ, mơng pran khin hơtai, pran tơma dơlăm, ƀu pơdơi gir run gum hrom pơdŏng sang anô̆, plơi pla, lŏn ia jai hrơi jai pơdrong asah klă hiam hloh./.

Siu H’ Prăk: Pô pơblang