VOV4.Jarai - Mơguah lơ 30/6, ƀơi Sang bruă Khua mir sir, Khua mir sir ơi Nguyễn Xuân Phúc ngă bruă mơng ataih hăng ơi Choi Young Joo, Khua Khul ngă giăng mah Hàn - Việt, laih dong ñu lĕ Khua Grup bơwih ƀong Panko. Khua khul ngă giăng mah Hàn - Việt djru kơ Việt Nam pơgang klin Covid-19. Mơng Khul ngă giăng mah Hàn - Việt, Khua mir sir ơi Nguyễn Xuân Phúc jak iâu hơdôm anom bơwih ƀong Hàn Quốc djru ba dong kơ Việt Nam amăng bruă pơhlôm, pơgang klin Covid-19, laih dong pơtrut tuh pơ alin amăng hơdôm bruă gah boh thâo ia rơgơi, ia jrao, plơi prong rơgơi hăng lu bruă pơkŏn. Khua mir sir bơni kơ ơi Choi Young Joo, Khua khul ngă giăng mah Hàn - Việt, Grup bơwih ƀong Panko hăng grup bơwih ƀong pơkŏn dong mơng Hàn Quốc kah hăng Samsung, SK,...hơmâo tơlơi khăp ƀu-eng kơ Việt Nam, ƀrô djru Việt Nam pơgang klin, ƀrô pơtrut pơsur anom bơwih ƀong prong mơng Hàn Quốc tuh pơ alin pơ Việt Nam./.

Siu H’Mai: Pơblang