VOV4.Jarai -  Čơtlăm lơ 12/10, ƀơi ƀôn prong Hồ Chí Minh, Khua mir sir dêh čar ta ơi Nguyễn Xuân Phúc hăng Grŭp Khua pơ ala mơnuih ƀôn sang ƀôn prong Hồ Chí Minh lăng tui bruă pơgang pơgăn klin Covid-19 tui Tơlơi pơtrun pơsit 30/2021 mơng Khua pơ ala mơnuih ƀôn sang; hơdôm hră pơ-ar mơng Kơnuk kơna, Khua dêh čar; hơdôm jơlan gah pơsir kiăng dưi wai lăng klin Covid-19, pơđĭ kyar bơwih ƀŏng – mơnuih mơnam ƀơi ƀôn prong pơ̆ anăp anai.

Khua mir sir dêh čar ta ơi Nguyễn Xuân Phúc mơ-ĭt tơlơi lăi pơthâo dơlăm hăng Ping gah, gong gai hăng mơnuih ƀôn sang ƀôn prong Hồ Chí Minh kơ hơdôm tơlơi rơngiă ngiom, ruă pran jua yua kơ klin ba truh. Kiăng hơkrŭ glăi tơlơi bơwih ƀong ƀôn prong, Khua mir sir dêh čar ta rơkâo ƀôn prong pơhlôm dong glông bruă bơwih ƀong hluh gah, amăng anun dŭ pơgiăng gơnam tam; pơgiăng mơnuih; hơdôm bruă prăk kak, čan prăk, pơsir prăk kơ anom bơwih ƀong; tô glăi hơdôm glông pơlir hơbit wot gơnam tam hăng mơnuih mă bruă. Hrom hăng anun lĕ hơkrŭ pơđĭ kyar bơwih ƀong, bơkơtuai kiăng thâo rơđah tơlơi tơnap mơng rim rơwang bruă./.

Siu H’ Prăk: Pô pơblang