VOV4.Jarai - Lơ 9/6, ƀơi Anom mă bruă Khua mir sir dêh čar, Khua mir sir dêh čar ta ơi Nguyễn Xuân Phúc, Khua Grŭp črâo ba pơplih pơkra tơlơi phiăn Kơnuk kơna, Khua Grŭp črâo ba pơdŏng Akô̆ bruă “Bruă pơdŏng hăng ngă giong Kơnuk kơna djơ̆ phiăn dêh čar Việt Nam truh thun 2030, pơsit jơlan gah truh thun 2045” hmâo laih bruă jơnum hăng hơdôm bôh ƀirô bơdjơ̆ nao kơčăo bruă pok pơhai pơdŏng Akô̆ bruă.

Pơhiăp amăng mông mă bruă, Khua mir sir dêh ta ơi Nguyễn Xuân Phúc lăi rơđahh, bruă prăp lui akô̆ bruă “Bruă pơdŏng hăng ngă giong Kơnuk kơna djơ̆ phiăn dêh čar Việt Nam truh thun 2030, pơsit jơlan gah truh thun 2045” lĕ bruă yôm phăn mơ̆ Tơlơi pơtrun pơsit jơnum Ping gah tal 13 hmâo ba tơbiă. Bruă pơdŏng hơdôm bôh yôm mơng Akô̆ bruă khom hmâo jơlan gah pơhlôm bôh thâo, hmâo tơhnal lăng ataih truh thun 2045, pơplih phrâo hăng djơ̆ jơlan gah pơđĭ kyar hluai tui tơhnal bruă kơsem min hmâo glông hơdră djơ̆ tui tơlơi ƀơi lŏn ia hăng jar kơmar. Khua mir sir dêh ta ơi Nguyễn Xuân Phúc ăt rơkâo mơn Grŭp amăng bruă Ping gah dêh čar pơhrua nao dong hơdôm akô̆ bruă kiăng hloh, djơ̆ hluai tui tơlơi čih pơkra Akô̆ bruă./.

Siu H’ Prăk: Pô pơblang