VOV4.Jarai - Čơtlăm lơ 22/6, Khua mir sir dêh čar ta ơi Nguyễn Xuân Phúc – Khua Grŭp črâo ba pơplih pơkra tơlơi phiăn dêh čar ta hăng Khua Grŭp apăn bruă Ping gah dêh čar ta ơi Phan Đình Trạc hmâo git gai mông mă bruă mơng Grŭp črâo ba kiăng gum pơhiăp hăng hră čih pơkra Akô̆ bruă Grŭp črâo ba pơplih pơkra tơlơi phiăn dêh čar ta. Phun ñu tŭ ư hăng tơlơi lăi pơthâo glăi mơng Grŭp apăn bruă Ping gah dêh čar, Khua mir sir dêh čar ta ơi Nguyễn Xuân Phúc lăi rơđah tơlơi kiăng pơdŏng Akô̆ bruă pơphun hăng bruă mă mơng Grŭp črâo ba pơplih pơkra tơlơi phiăn dêh čar kiăng djơ̆ hăng tơlơi kiăng git gai, črâo ba bruă pơplih pơkra tơlơi phiăn, mơng anun pơplih phrâo dong, kơtưn, pơhlôm tơlơi git gai kơjăp mơng Ping gah pioh kơ pơphun ngă bruă mă mơng hơdôm bôh ƀirô tơlơi phiăn, biă ñu amăng bruă pel ĕp, pơsir hơdôm kơđi tơlơi, hơkrŭ pơsir tơlơi ƀu kơjăp amăng git gai ƀudah añrŭ tơngan mut ƀu djơ̆ amăng bruă mă gah tơlơi phiăn./.

Siu H’ Prăk: Pô pơblang