VOV4.Jarai -  Mơguah lơ 22/10, pơ ala kơ khua git gai Ping gah, Kơnuk kơna, Jơnum min djop djuai ania mơnuih mơnam dêh čar Việt Nam, Khua mir sir dêh čar ta ơi Nguyễn Xuân Phúc nao pơ̆ Sang phơ̆t Viên Minh (Ráng), să Quang Lãng, tơring glông Phú Xuyên, ƀôn prong Hà Nội čuă Đại lão Hoà thượng Thích Phổ Tuệ, Đức Pháp Khua Khul pơsit Khul đăo phơ̆t Việt Nam. Amăng mông jơnum čuă, Khua mir sir dêh čar ta ơi Nguyễn Xuân Phúc dưm guang bơnga, tuĭ ñang čuă hăng hơdor glăi rơgom Đại lão Hoà thượng Thích Phổ Tuệ. Đại lão Hoà thượng Thích Phổ Tuệ lĕ Đức Pháp pô Khul pơsit Khul đăo phơ̆t Việt Nam, Ding kơna Jơnum min djop djuai ania mơnuih mơnam dêh čar Việt Nam. Đại lão Hoà thượng Thích Phổ Tuệ lĕ pô kom drơi kơ yang hmư̆ hing thâo rơgơi kơ tơlơi đăo, ha rơnuk hơdip tơnap tap, đăo gưt, iâu lăi, hơduah yang čih hơdrôm hră, ñu hmâo gum hrom čih pơkra, pơblang, pơsit lu tơlơi čih kơ Tơlơi hrăm phơ̆t ƀơi Việt Nam. Tơlơi hơdip mơng ñu lĕ anô̆ pơƀuh lu mơta kơ bôh yôm bôh thâo đưm, pran jua hơđip mơng đăo phơ̆t amăng tơlơi hơdip mơnuih mơnam. Hăng hơdôm pran jua tuh rơyuh prong prin kơ lŏn ia, ñu dưi hmâo Kơnuk kơna ta čih djă pioh hăng ƀơk Miđai Hồ Chí Minh hrom hăng lu anung gơnam apah bơni yôm phăn pơkon./.

Siu H’ Prăk: Pô pơblang