VOV4.Jarai -  Tô̆ tui tal nao čuă dêh čar Cuba, tom brơi (19/9), ƀơi plơi prong jưh jom La Habana, dêh čar Cuba, Khua mir sir dêh čar ta ơi Nguyễn Xuân Phúc bơkơtuai hăng Khua dêh čar Cuba Manuel Marrero Cruz hăng khua mua lu ding jum, gơnong bruă Cuba. Amăng mông bơkơtuai, Khua mir sir dêh čar ta ơi Nguyễn Xuân Phúc đăo gơnang lĕ gah yŭ tơlơigit gai mơng Khua dêh čar ơi Manuel Marrero Cruz, Kơnuk kơna Cuba amra hmâo lu truh kih phrâo amăng git gai lŏn ia hăng bruă bơwih ƀong.

Dua bơnah yak rơgao lu tơlơi lông, djă pioh hơdôm bruă bơkơtuai gưl dlông hăng hơdôm hơdră gum hrom hăng hơdră lăng nao rai mơng ataih; hmao tlôn djru tơdruă bŏng glăi hăng klin Covid-19, pơdah pran jua gum hrom pha ra, gum hrom hơbit adơi ayong hăng djru nao rai tơdruă. Khua mir sir dêh čar ta ơi Nguyễn Xuân Phúc čang rơmang Kơnuk kơna dua bôh dêh čar gum hrom kơjăp, pok pơhai ba glăi bôh tơhnal hơdôm tơlơi pơkôl gưl dlông, hơdôm hơdră gum hrom hmâo hơđăp, biă ñu pơđĭ tui bôh tơhnal bruă mă mơng Jơnum min pơlir hơbit Kơnuk kơna, djru ngă brơi tơlơi rô nao rai dua bơnah pơđĭ kyar jai hrơi jai sit nik, pơđĭ tui tơhnal gum hrom bơwih ƀong, sĭ mơdrô hăng tuh pơ plai djơ̆ hăng tơlơi rô nao rai kơđi čar klă hiam kơplah wah dua bôh dêh čar./.

Siu H’ Prăk: Pô pơblang