VOV4.Jarai - Amăng rơwang nao čuă giăng mah sit nik dêh čar Lao, čơtlăm lơ 9/8, Khua mir sir dêh čar ta ơi Nguyễn Xuân Phúc hmâo laih mông bơkơtuai hăng Khua dêh čar Lao Phankham Viphavanh. Amăng mông bơkơtuai, dua gơñu pơsit yôm hơdôm bruă bŏng glăi ba glăi bôh tŭ yua hăng klin Covid-19 mơng rim dêh čar amăng hơdôm hrơi rơgao; hrom hăng anun pơdah pran jua lăng djơ̆ hăng tơlơi dŏng yua, gum djru hmao tlôn, ngă jă pran jua giăng mah adơi ayong dua bôh dêh čar hmâo pioh nao rai tơdruă amăng bŏng glăi hăng klin ruă. Dua gơñu tŭ ư hrom prong kơ jơlan gah gum hrom pơ̆ anăp, kiăo tui anun lăi rơđah khom gum hrom ngă tui klă hơdôm tơlơi pơkôl gưl dlông, pok pơhai ba glăi bôh tơhnal Tơlơi pơkôl gum hrom dua bơnah Việt Nam hăng Lao mơng thun 2021-2025 hăng Tơlơi pơkôl bruă gum hrom Việt Nam hăng Lao mơng thun 2021-2030 hrom hăng anun pioh lu mông bơkơtuai kơ hơdôm bruă rơđah rơđông kiăng pơtrut tơlơi rô nao rai gum hrom bơwih ƀong, sĭ mơdrô hăng tuh pơplai./.

Siu H’ Prăk: Pô pơblang