VOV4.Jarai - Hmư̆ tui tơlơi jak iâu mơng Khua mir sir dêh čar Nga ơi Vladimir Putin, Khua mir sir dêh čar ta ơi Nguyễn Xuân Phúc ba jơlan hlâo grŭp khua pơ ala gưl dlông dêh čar Việt Nam sit nik nao čuă dêh čar Nga mơng lơ 29/11 truh lơ 2/12/2021.

Blan 5/2019, hăng pô ngă Khua dêh čar, ơi Nguyễn Xuân Phúc hmâo nao čuă laih dêh čar Nga hăng hmâo bruă bưp Khua mir sir dêh čar Nga Vladimir Putin

Anai lĕ tal nao čuă yôm phăn pơsit 71 thun Việt Nam hăng Nga pơdŏng bruă pơtom hiăp, 20 thun dua bôh dêh čar kĭ Tơlơi pơtŏng hrom kơ bruă gum hrom bruă mă hăng giăm truh 10 thun ba tơbiă Tơlơi lăi pơtŏng hrom kơtưn hloh dong bruă hrom abih bang, mơng anun pok tơbiă hơdôm jơlan gah gum hrom phrâo kơplah wah dua bôh dêh čar. Tal nao čuă sit nik dêh čar Nga anai mơng Khua mir sir dêh čar ta ơi Nguyễn Xuân Phúc dô̆ dưi čang rơmang pơtrut gum hrom Việt Nam hăng Nga amăng pơgang, pơgăn klin Covid-19, biă ñu bruă pơtrut Nga djru vaccine hăng pơtô glăi hơdră pơkra vaccine kơ Việt Nam. Hluai tui gru than anun djru dua bôh dêh čar wai lăng klă klin ngă hăng gum hrom dua bôh dêh čar jai hrơi jai nao dơlăm hăng ba glăi bôh tơhnal./.

Siu H’ Prăk: Pô pơblang