VOV4.Jarai - Lơ 9/1, Khul čih bôh pia Việt Nam pơphun ngă Lơphet pơphun pơsur pơčeh phrâo bôh pia kơ akô̆ bruă čơđai muai. Pơhiăp amăng mông ngă lơphet pơphun, Khua mir sir dêh čar ta ơi Nguyễn Xuân Phúc pơsit yôm Khul čih bôh pia Việt Nam pơphun bruă pơčeh phrâo bôh pia kơ tơlơi lăi nao čơđai muai hăng lăi lĕ, anai lĕ tơlơi tŭ yua biă.

Yua kơ bôh pia jing phun pơjing pran klă hiam, tâ̆o yâu, thâo khăp păp; hrom hăng anun pơtrut pran gơgrong, hrưn đĭ mơng ană mơnuih, biă ñu hăng rơnuk hlăk ai; tơdăm dra, tơdăm ngek dra mua, čơđai muai. Khua Khul čih bôh pia Việt Nam Nguyễn Quang Thiều brơi thâo, Bruă pơsur pơčeh phrâo bôh pia lăi nao kơ čơđai mua sui amăng 5 thun (mơng ră anai truh kơ blan 5/2025) hăng dua djuai bôh piă tơlơi čih hăng pơtưh. Mơnuih gum hrom pơplông lĕ abih bang mơnuih Việt Nam amăng lŏn ia hăng pơ̆ dêh čar tač rơngiao. Grŭp pơphun pơsur bruă gum hrom mơng ƀing hlăk ai, tơdăm ngek dra muai hăng čơđai muai. Mông ngă lơphet ƀơk pri tal sa pơkă hlâo pơphun amăng tal Tết blan prơmi thun 2023./.

Siu H’ Prăk: Pơblang