VOV4.Jarai - Čơtlăm lơ 29/11 (tui mông ƀơi dêh čar Thuỵ Sỹ), ƀrô djơ̆ tal nao čuă dêh čar Thuỵ Sỹ,  Khua mir sir dêh čar ta ơi Nguyễn Xuân Phúc hmâo tŭ jum Khua ding jum ia jrao Chile, ơi Oscar Enrique Paris (ăt glăk ƀuh ƀô̆ ƀơi Thuỵ Sỹ). Amăng hơdôm hrơi klin Covid-19 ngă đơ đam rŏng lŏn tơnah ră anai, bruă dua bôh dêh čar hmâo tơlơi rô nao rai klă hiam lĕ phun than yôm phăn kiăng pơtrut gum hrom amăng bruă pơgang, pơgăn klin.

Khua mir sir dêh čar ta ơi Nguyễn Xuân Phúc

Hơ-ưč hmưi Chile wai lăng klă tơlơi klin ruă, mrô mơnuih tlâ̆o vaccine pơgang klin lu hloh, Khua mir sir dêh čar ta rơkâo Chile djru vaccine kơ Việt Nam. Pơdah pran jua tŭ ư hrom hăng Khua mir sir dêh čar ta ơi Nguyễn Xuân Phúc kơ bruă kiăng pơtrut kơtang gum hrom amăng bruă pơgang, pơgăn klin, Khua Ding jum ia jrao Chile brơi thâo, Chile prăp lui gum hrom hăng djru vaccine kơ Việt Nam. Hrom hăng anun pơtrut gum hrom dua bôh dêh čar amăng bruă ia jrao./.

Siu H’ Prăk: Pô pơblang