VOV4.Jarai -  Tom brơi (22/8), ơi Nguyễn Xuân Phúc, Ding kơna Ding jum kơđi čar, Khua mir sir dêh čar Việt Nam ba jơlan hlâo Grŭp khua mua git gai Ping gah, Kơnuk kơna Jơnum min djop djuai ania mơnuih mơnam dêh čar Việt Nam nao tŭ ñan, pŭ bơnga hơdor glăi Đại tướng Võ Nguyên Giáp, ƀrô djơ̆ tal hơdor glăi 110 thun hrơi tơkeng mơng Đại tướng (25/8/1911-25/8/2021). Đại tướng lĕ čơđai sang hră rơgơi hăng jê̆ giăm mơng Khua mir sir Hồ Chí Minh.

Ha rơnuk pô, Đại tướng kĕ phĭ hăng bruă ngă hơkrŭ mơng Ping gah hăng djuai ania. Ƀơi ñu leng kơ ƀuh bơngač pran jua yôm phăn mơng pô tơhan hơkrŭ gơgrong kơjăp, ha pran jua hăng bruă ngă hơkrŭ mơng Ping gah. Đại tướng Võ Nguyên Giáp dô̆ jing sa čô rơgơi amăng bruă tơhan dong, hmâo hrom abih bang Ping gah, abih bang mơnuih ƀôn sang ta mơng truh kih anai truh kơ truh kih pơkon, pơjing rai hơdôm bôh than prong. Đại tướng Võ Nguyên Giáp jing pô juăt bruă ba jơlan hlâo gah jơlan blah ayăt mơng bruă tlaih rơngai djuai ania amăng lŏn ia hăng ƀơi rŏng lŏn tơnah./.

Siu H’ Prăk: Pô pơblang