VOV4.Jarai-Mơguah lơ 7/11, Khua mir sir ơi Nguyễn Xuân Phúc nao jơnum hrom hơdor glăi 40 thun hrơi akŏ pơjing khul đăo phơt Việt Nam lơ 7/11/1981-lơ 7/11/2021 hăng akŏ ñu 40 thun Khul đăo phơt Việt Nam mut phung hăng pơđĭ kyar hrom lŏn ia. Jơnum prong pơphun lăng nao rai amăng tivi mơ̆ng Hà Nội pơtruh nao rai hăng 63 boh anih, tơring čar, ƀôn prong amăng dêh čar.

Pơhiăp đĭ ƀơi mông jơnum, ơi Nguyễn Xuân Phúc Khua mir sir pơ ala kơ Ping gah, kơnuk kơna dêh čar mơ-it hiăp pơpŭ hiam klă hloh kơ abih bang yă yơng ơi phơt, jing ƀing đăo phơt, ƀing khua mua wai lăng, pơtô đăo phơt, khua mua khul đăo phơt Việt Nam mơ̆ng gơnong dlông truh pơ djop djang anih amăng dêh čar hăng truh pơ dêh čar tač rơngiao. Hăng gru grua hiam klă mơ̆ng đăo phơt Việt Nam rơbêh 2000 thun rơgao, Khua mir sir čang rơmang ƀing đăo phơt amăng dêh čar ăt djă bong kjăp tơlơi gơgrong ba mơ̆ng gơñu amăng bruă kơtưn tơlơi gum pơgôp djuai ania, pơlir hơbit djop tơlơi đăo.

Laih dơ̆ng, ăt pơtrut gum tơngan hrom djru man pơdong hăng pơđĭ kyar gru grua hiam klă Việt Nam thâo rơgơi, djă grong kjăp gru grua đưm hiam klă mơ̆ng djuai ania.

Nay Jek: Pơblang