VOV4.Jarai - Tui tơlơi jak iâu mơng Khua dêh čar New Zealand, mơguah lơ 11/11, Khua mir sir ơi Nguyễn Xuân Phúc pơphun jơlan hơdră mut jơnum hrŏm Khua mua APEC tal 28 dong mơng lơ 11-12/11 jơnum lăng nao rai mơng ataih. Mơguah lơ 11/11, Khua mir sir hơmâo mơ-it tơlơi pơsit nao jơnum khua mua anom bơwih ƀong sĭ mơdrô APEC, anai lĕ tơlơi pơsit pơdah amăng tivi. Iâu pơthưr hơdôm dêh čar APEC kiăng tuh pơ alin brơi pơgĭ kơdih anăp nao hơdôm bruă yua apui lơtrik agaih, pơđĭ kyar mă yua boh thâo măi mok ba glăi rơnoh yôm na nao, Khua mir sir ăt iâu pơthưr hơdôm boh dêh čar APEC, hơdôm anom bơwih ƀong sĭ mơdrô hăng hơdôm dêh čar ngă gŏp jar kmar tuh pơ alin pơđĭ kyar mơtah ƀơi Việt Nam.

Kiăng kơ ngă tui hơdôm hơnong pơkă pơđĭ kyar mơtah, hơđong kjăp, Khua mir sir ơi Nguyễn Xuân Phúc lăi pơtong nao tơlơi yôm mơng anom bơwih ƀong sĭ mơdrô. Amăng anun, bruă pơđĭ kyar hăng pơđoh hyuh carbon ƀiă hloh, pơđĭ kyar mơtah kah hăng tơlơi dưi kiăng hrưn đĭ bơkơtưn, pơđĭ kyar hơđong mơng anom bơwih ƀong sĭ mơdrô.

Siu Đoan: Pơblang