VOV4.Jarai - Ƀrô tal Jơnum blung a Khul pơphun bruă mă dêh čar (25/8), Khua mir sir dêh čar ta ơi Nguyễn Xuân Phúc hơmâo hră mơ-it kơ ƀing khua mua nao jơnum. Amăng hră mơ-it hơmâo čih “Amăng thun blan pơđĭ kyar lŏn ia, anom bơwih ƀong sĭ mơdrô, ƀing bơwih ƀong sĭ mơdrô lĕ ƀing gơgrong phun. Lơ 13/10 rĭm thun hơdôm khua dêh čar ta ta pơsit lĕ hrơi pioh pơpŭ ƀing bơwih ƀong sĭ mơdrô Việt Nam. Ping gah ăt hơmâo hră pơtrun kơ pơđĭ kyar ƀing bơwih ƀing sĭ mơdrô hăng hơdôm anom bơwih ƀong sĭ mơdrô amăng djop mơta bruă.

Khua mir sir dêh čar ơi Nguyễn Xuân Phúc

Ping gah, Kơnuk kơna lêng kơ đing nao, djru hăng gum hrŏm mơnuih ƀon sang, ngă gêh gal kiăng kơ mơnuih ƀon sang ngă tui hơdôm tơlơi gal, thâo pơčeh phrâo, pơđĭ kyar, pơgôp amăng pơjjing lŏn ia”. Khua mir sir čang rơmang Khul pơphun bruă mă dêh čar amra jing anih pơlir hơbit tŭ yua ƀing mơnuih pơphun bruă mă, pơgôp kiăng pơsur, črâo ba, gum djru, ngă pơgiong hơdôm tơlơi gal amăng pơphun bruă mă ƀơi Việt Nam.

Siu Đoan: Pơblang