VOV4.Jarai - Ƀrô tal hơdor glăi 74 thun Hrơi pioh pơpŭ tơhan rơka, tơhan djai pơsăn drơi (27/7/1947-27/7/2021), Khua mir sir ơi Nguyễn Xuân Phúc hơmâo mơ-it hră pơpŭ bơni kơ ƀing tơhan rơka rơkač, sang anŏ tơhan djai pơsăn drơi hăng ƀing mơnuih djru hơkrŭ . Amăng hră mơ-it, Khua mir sir ơi Nguyễn Xuân Phúc mơ-it nao tơlơi pơpŭ kơ khua tơhan djru hơkrŭ, ƀing amĭ Việt Nam sông kơtang, ling tơhan djru blah wang, Tơhan sông kơtang, ƀing rơka rơkač, sang anŏ ƀing tơhan djai pơsăn drơi, ƀing djru hơkrŭ tơlơi tơña hăng pran kiăng khăp pơpŭ abih pran jua. Khua mir sir pơtă pơtăn gưl Ping gah, gong gai djop gưl, djop dong jum, gơnong bruă, anom bruă hăng abih bang mơnuih djru brơi hăng bruă mă sit nik, hơmâo lu dong bruă pioh hơdor tơngia hăng bruă “Abih bang mơnuih djru brơi sang anŏ tơhan rơka, tơhan djai pơsăn drơi hăng ƀing mơnuih djru hơkrŭ”, lăng anai lĕ tơlơi gơgrong, pran khăp pap kiăng pơdah tơlơi pơpŭ bơni hăng ƀing djru hơkrŭ pơklaih rơngai lŏn ia, pơjing hăng wai pơgang dêh čar ta.

Siu Đoan: Pơblang