VOV4.Jarai-Ƀrô djơ̆ tal Jơnum ruah khua tal sa Khul mơnuih Pơphun bruă mă dêh čar iâu klah čun VINEN, Khua mir sir ơi Nguyễn Xuân Phúc hơmâo mơ-it hră pơpŭ kơ Jơnum anai. Khua mir sir ơi Nguyễn Xuân Phúc lăi rơđah, pơtrut pơphun bruă mă lĕ sa amăng hơdôm boh tơhnal yôm hloh mơ̆ng bruă bơblih phrâo amăng bruă bơwih ƀong huă ƀơi Việt Nam.

Khua mir sir brơi thâo, 5 thun pơ hlâo adih, akŏ rơwang bruă thun 2016-2021, Kơnuk kơna hơmâo pơsit mă thun 2016 ngă thun Dêh čar Pơphun bruă mă. Dơ̆ng mơ̆ng anun, tui tơlơi ngă anun pơphun bruă mă dưi lar hyu, anih dŏ jum dar bruă tuh pơ alin sĭ mơdrô bơblih tui laih, rơbêh 100 rơbâo sang bruă sĭ mơdrô dưi akŏ pơjing phrâo rĭm thun laih anun truh ră anai lŏn ia ta hơmâo rơbêh 800 rơbâo sang sĭ mơdrô mă bruă.

Khua mir sir čang rơmang Khul Pơphun bruă mă dêh čar amra jing pô pơtruh nao rai tŭ yua amăng bruă pơphun bruă mă, ngă tui djơ̆ tơlơi kiăng akŏ pơjing sang bruă sĭ mơdrô pơphun bruă mă ƀơi Việt Nam.

Nay Jek: Pơblang