VOV4.Jarai - Mơguah lơ 8.12, tơring čar Hà Giang pơphun ngă lơphet 130 thun hrơi akŏ pơdong tơring čar (20/8/1891-20/8/2021), 30 thun akŏ pơdong glăi tơring čar hăng 60 thun Wa Hồ nao čuă tơring čar Hà Giang. Khua mir sir ơi Nguyễn Xuân Phúc nao pơhmư̆ mông jơnum pơsit kual lŏn Hà Giang lĕ anih yôm phara, guai dêh čar gah anăp mơng lŏn ia ta. Pran jua mơnuih ƀon sang Hà Giang ăt jing pran jua mơnuih djuai ania Việt Nam. Hăng tơlơi gơñăm nao pơđĭ kyar mơ̆ Hà Giang kiăng ngă ƀơi mông Jơnum khua mua tơring čar tal 17 anun lĕ akŏ pơdong Hà Giang jing tơring čar pơđĭ kyar bruă tuai hyu ngui, sĭ mơdrô, bơwih brơi hăng ngă hmua pơjing rai gơnam phara; truh thun 2030 jing tơring čar bơwih ƀong huă- mơnuih mơnam đĭ kyar amăng kual čư̆ siăng gah kơdư; truh thun 2045 jing tơring čar bơwih ƀong - mơnuih mơnam đĭ kyar găp ƀrô amăng dêh čar, Khua dêh čar ơi Nguyễn Xuân Phúc kiăng tơring čar khŏm ĕp hơbô̆ bruă hăng tơlơi gêh gal kiăng pơđĭ kyar bơwih ƀong phrâo kiăo tui hơdôm tơlơi hơmâo hơđăp; djru ba mơnuih mơnam, sang anŏ rin, pơtrut djru bruă pơtô hrăm, ia jrao, djru ba mơnuih ƀon sang klă hloh.

Siu H’Mai: Pơblang