VOV4.Jarai - Ƀrô ngă lơphet hơdor 74 thun hrơi Tơhan rơka - tơhan djai pơsăn drơi kơ lŏn ia (27/7), 60 thun hơmâo tơlơi truh jrao hret Việt Nam, Khua mir sir ơi Nguyễn Xuân Phúc hơmâo ngă bruă tom khua pơ ala Khul djru ba sang anŏ tơhan djai pơsăn drơi hăng Khul mơnuih djơ̆ jrao hret dioxin Việt Nam. Khua mir sir bơni biă mă kơ djŏp Khul hơmâo pơphun lu bruă ngă kiăo tui tơlơi pơtrun mơng Ping gah, tơlơi phiăn mơng Kơnuk kơna kơ bruă djru ba, pơpŭ kơ ƀing tơhan ruă, tơhan djai pơsăn drơi, mơnuih djru hơkrŭ lŏn ia hăng ƀing djơ̆ jrao hret Việt Nam.

Khua mir sir brơi gơnam kơ Khul djru sang anŏ tơhan djai pơsăn drơi Việt Nam

Khua mir sir lăi, amăng rơnuk blah ayăt wai pơgang Lŏn ia, hơmâo lu mơnuih djai drơi pô yua tơlơi rơngai. Yua hnun, pơpŭ glăi pran jua anun, hơdor kơ tơlơi gum djru prong prin anun lĕ mơñum ia hơdor kơ pô klơi, jing bruă kiăng ngă prong mơng Ping gah. Truh ră anai, Kơnuk kơna hơmâo ngă lu hơdră djru ba sang anŏ hơkrŭ, sang anŏ tơhan rơka, tơhan djai pơsăn drơi, ƀing djơ̆ jrao hret dioxin.

Siu H’Mai: Pơblang