VOV4.Jarai - Ƀrô ngă lơphet 31 thun Hrơi jar kmar pioh kơ ƀing tha (lơ 1/10, Khua mir sir ơi Nguyễn Xuân Phúc phrâo hơmâo mông bưp Khul ƀing tha Việt Nam hăng ƀing khua pơ ala kơ ƀing tha rơma. Pơ ala kơ Ping gah, Kơnuk kơna, Khua mir sir Nguyễn Xuân Phúc mơ-it kơ ƀing khua, mơnuih amăng Khul ƀing tha Việt Nam, abih bang ƀing tha amăng dêh čar ta hăng dŏ pơ dêh čar tač rơngiao tơlơi pơpŭ, hơ-ơč hmưi biă mă.

Mông bưp ƀing tha

Hrơi blan pơ anăp, Khua mir sir kiăng Khul ƀing tha rơma Việt Nam kiăng ngă hrŏm hăng hơdôm ding jum, anom bruă, tơring čar ngă bruă hăng pơphô čih pơkra hơdră djru mơng Ping gah, Kơnuk kơna kơ bruă pơgang hăng čem rông ƀing tha klă hloh. Lăi pơtŏng ƀing tha lĕ gong tơmeh amăng sang anŏ, Khua mir sir kiăng ƀing tha hmư̆ lu hloh tơlơi pơhing kơ hơdră djru mơng Ping gah, kơnuk kơna, sem lăng tơlơi rơgơi, hrăm hră, đah mơng pơtô brơi ană tơčô thâo hluh, hơdip klă, ngă bruă hiam, pơtrut tui gru grua hiam mơng djuai ania ta.

Siu H’Mai: Pơblang