VOV4.Jarai-Hlâo kơ anun, Khua mir sir ơi Nguyễn Xuân Phúc hơmâo bưp Khua dêh čar Kur, ơi Sam Dech Hun Sen. Ƀơi mông bưp, dua čô khua tŭ ư kơ hơdôm hơdră či ngă hrom pơ anăp mơ̆ng dua bơnah dêh čar, tui hăng anun, pơtum pok pơhai tŭ yua hră pơkôl, tơlơi bơ tŭ ư hơmâo kĭ laih; djă hnong bruă čuă jơmư trư găn nao rai khua mua pơprong hăng djop gưl, ngă tui tơlơi phiăn ngă hrom dua bơnah.

Dua boh dêh čar ăt tŭ ư pơtrut tui ngă hrom amăng bruă pơtô hrăm, tơlơi phiăn, bruă ngă hmua wai lăng glai klô, kông ngăn lŏn tơnah hăng anih dŏ jum dar, tuai čuă ngui; pơtrut bơkơtuai nao rai brơi tŭ ư hră pơsit vaccine, hră pơsit tlâ̆o giong Covid 19. Khua mir sir ơi Nguyễn Xuân Phúc čang rơmang dua bơnah ăt ngă hrom kjăp, pơpŭ tơlơi kiăng mơ̆ng ASEAN kơ kual ia rơsĭ Ngŏ, pơsir hơdôm tơlơi bơrơsua hăng hơdră rơnuk rơnua, djơ̆ tơlơi phiăn jar kmar.

Nay Jek: Pơblang