VOV4.Jarai-Amăng tal nao čuă dêh čar Nga, tlam lơ 1/12, Khua mir sir ơi Nguyễn Xuân Phúc hơmâo bưp Khua dêh čar Nga ơi Mikhail Vladimirovich Mishustin ƀơi Moscow. Khua mir sir ơi Nguyễn Xuân Phúc lăi, Ping gah, kơnuk kơna Việt Nam hơdor pioh na nao laih anun hơdor bơni tơlơi djru ba prong mơ̆ng dêh čar Nga hơmâo gum Việt Nam amăng rơnuk blah ngă kiăng hơkrŭ rơngai lŏn ia djuai ania hlâo adih ăt kah hăng man pơdong laih anun pơđĭ kyar lŏn ia ră anai.

Khua mir sir ơi Nguyễn Xuân Phúc bưp khua dêh čar Nga

ơi Mikhail Vladimirovich Mishustin

Khua mir sir ơi Nguyễn Xuân Phúc hăng Khua dêh čar Nga ơi Mikhail Vladimirovich Mishustin  hơmâo pơčrông sai kơ tơlơi pơhing ngă hrom Việt Nam hăng Nga amăng hơdôm bruă kah hăng bơwih ƀong huă; pơdah pran jua mơak ngă hrom sĭ mơdrô laih anun tuh pơ alin dua bơnah ăt dưi pok pơhư prong; tŭ ư hrom lu bơnah ngă bruă laih anun hơdră kơtưn hloh ngă hrom amăng bruă pơtô-pơjuăt, kơsem min boh thâo ia rơgơi, gru grua tuai čuă ngui, jĕ giăm mơnuih ƀôn sang....

Dua bơnah ăt tŭ ư kơtưn ngă hrom pơkra vaccine ăt kah hăng pơjrao mơnuih duăm ruă ƀă klin covid 19.

Nay Jek: Pơblang