VOv4.Jarai - Amăng hơdôm hrơi nao čuă dêh čar Lao, Khua mir sir ơi Nguyễn Xuân Phúc hơmâo mông bưp ơi Khamtai Siphandone, Khua git gai Ping gah, Khua mir sir hơđăp dêh čar Lao; ơi Choummaly Sayasone, Khua git gai Ping gah, Khua mir sir hơđăp hăng ơi Bounnhang Vorachith, Khua git gai Ping gah, Khua mir sir hơđăp dêh čar Lao. Amăng mông bưp, Khua mir sir ơi Nguyễn Xuân Phúc pơdah pran hok mơ-ak lơ̆m bưp glăi ƀing khua mua lăng kar hăng adơi ayong giang mah hăng Ping gah, Kơnuk kơna laih dong mơnuih ƀon sang Việt Nam. Ƀing khua git gai hơđăp dêh čar Lao ăt pơdah pran hok mơ-ak hăng tơlơi pơđĭ kyar hiam klă tơlơi rô nao rai gum pơgôp yôm phăn kơplah wah dua bơnah Ping gah, dua Kơnuk kơna hăng mơnuih ƀon sang dua boh dêh čar amăng thun blan laih rơgao; lăng yôm hơdôm boh tơhnal hơmâo pơčrông sai; rơkâo dua bơnah tŏ tui đing nao bruă pơtô hrăm hăng pơtô pơblang brơi mơnuih ƀon sang dua bơnah, biă mă ñu brơi rơnuk ană tơčô kơ gru grua giang mah, pơlir hơbit mut hrŏm kơplah wah Lao - Việt Nam, Việt Nam - Lao.

Siu Đoan: Pơblang